ಆನಿ ನಮ್ಮ ಭಾರತೋ... ( ತುಳು )

ಆನಿ ಬತ್ತಿತ್ತೆರ್ ಭಾರತಗ್,
ಪರದೇಶಿಗುಲು ಈ ಜಾಗೆಗ್,
ಒರ ದೇಶದ ಮಾನ ದೆಪ್ಪೆರೆಗ್,
ಬರಗಾಲದಲೆಕ್ಕಾಂಡ್ ಜನಕುಲೆಗ್

ಅಕ್‍ಲೆ ಕೈಟಿತ್ತ್ಂಡ್ ಪರಾ ಗುಂಡು,
ಅಬ್ಬಾ! ಅವು ಪುಡಾನಗ ವಾ ಒಂಜಿ ಸೌಂಡು,
ನಮ್ಮಕುಲು ಬಲಿತೆರ್ ಪುಂಡು-ಪುಂಡು,
ಅಕುಲೆ ಕೈಟಿತ್ತ್ಂಡ್ ಬೋಡಾಯಿ-ಫೌಂಡು

ನಮ ನೆನೆತ-'ಅಕುಲು ನಮಕೊಂಜಿ ವರ',
ಇಜ್ಜಿಂದಾಂಡ ತಿಕ್ಕುವಾ ವಿಮಾನ ತೂಯೆರ?
ರೈಲ್, ಕಾಕಜಿದ-ವಿಧ್ಯೆದ ಸರೋವರ,
ಅಕುಲಿತ್ತ್ಂಡ, ನಮಕ್ ಬರಂದ್ ಬರ

ಅಕುಲಾನಿ ನಮ್ಮ ಸಂಪತ್ತ್'ನ್ ತೂಯೆರ್,
ನಮ್ಮ "ನಂಬಿಕೆದ ಜಾಗೆ"ನ್ ನಾಡಿಯೆರ್,
ನಮನ್ "ಮಸೀದಿ-ದೇವೆರ್ಂದ್" ಪುಡತೆರ್,
ನಮ್ಮ ಪೇರ್‌ಡ್ ನಮಕೇ ಕೊಡತೆರ್

ನಮ ಉದಾರಿಗುಲು ತೂಲೆ,
ಅಂಚಾದೆ-ಸುದಾರಿದ್‍ಜ ತೆರಿಲೆ,
ಕಟ್ಟೊಡಾವು ಉದಾಸೀನಗ್ ನಮ ಬಿಲೆ,
ನಾಯಿಲಾ ಸೀದಾ ಬರು ನೆನೆಪು ದೀಲೆ

ಆನಿ ಮಹಾತ್ಮೆರಿತ್ತೆರ್ ತೋಜಾಯೆರೆ ಶಕ್ತಿ,
ಆರ್ ದೈವಾತ್ಮೆರಾಯೆರ್ ಕಲ್ಪಾದ್ ಯುಕ್ತಿ,
ಆಂಡಲಾ ದಿವಾಳಿ ಆಯಿಜೆರಾ ಕೊರ್ಪಾದ್ ಮುಕ್ತಿ,
ಆರ್ ನಿಜಕ್‍ಲಾ ನಮಕಾದ್ -"ದೇವೆರೆನ ನಿಯುಕ್ತಿ"